ગાંધી મેળો
સહર્ષ જણાવવાનું કે, જીવનભારતી મંડળ પ્રતિ વર્ષ કોઈક નવા વિષયને કેન્દ્રમાં રાખી સર્જનાત્મક વાર્ષિકોત્સવ ઊજવતું રહે છે. આ વર્ષે રાષ્ટ્રપિતા મહાત્મા ગાંધીજીની ૧૫૦મી જન્મ જયંતીને લક્ષમાં રાખી વર્તમાન તથા ભાવિ પેઢી બાપુને નજીકથી જાણે, સમજે અને મોહનથી મહાત્મા સુધીની સફરના વિવિધ પાસાઓમાં પ્રવેશે એ હેતુથી અમે ત્રિદિવસીય કાર્યક્રમ – ગાંધી મેળાનું આયોજન કર્યું હતું. આ ત્રિદિવસીય કાર્યક્રમમાં દરરોજ સાંજે સાંસ્કૃતિક મંચનું આયોજન કર્યું હતું. જેમાં રાષ્ટ્રીય અને આંતરરાષ્ટ્રીય ખ્યાતિ પ્રાપ્ત કલાકારો ગાંધીજીને કેન્દ્રમાં રાખીને કલાની પ્રસ્તુતિ થઇ હતી.
મંગળવાર ૧૯ નવેમ્બર ૨૦૧૯ના રોજ રાત્રે ૭.૩૦ થી ૯.૩૦ ના સમયગાળા દરમિયાન રંગભવન ખાતે કલેકટરશ્રી ડૉ. ધવલ પટેલ અને મેયરશ્રી ડૉ. જગદીશ પટેલની વિશેષ ઉપસ્થિતિમાં કલાકાર શ્રી અમર ભટ્ટ દ્વારા ગાંધી ગીતો પ્રસ્તુત કરવામાં આવ્યું હતું.
ઉદઘાટન સમારંભ બુધવાર ૨૦ નવેમ્બર ૨૦૧૯ ના રોજ સવારે ૧૦.૩૦ કલાકે રંગભવન ખાતે જાણીતા પત્રકાર અને કટારલેખક શ્રી ઉર્વીશ કોઠારી અને શ્રી નીલમ પરીખ(ગાંધીજીના પ્રપૌત્રી)ની અધ્યક્ષતામાં યોજાયો હતો.
બુધવાર ૨૦ નવેમ્બર ૨૦૧૯ ના રોજ રેડિયો ઉદઘોષક શ્રી આમ્રપાલી દેસાઈની ઉપસ્થિતિમાં બપોરે ૨ થી ૩ દરમિયાન રંગભવન ખાતે ધોરણ ૧ થી ૫ પ્રાથમિક વિભાગ દ્વારા લઘુનાટક યોજાયો હતો.
બુધવાર ૨૦ નવેમ્બર ૨૦૧૯ ના રોજ બપોરે ૩ થી ૪ દરમિયાન રંગભવન ખાતે ધોરણ ૬ થી ૮ ના વિદ્યાર્થીઓ દ્વારા કલાકાર શ્રી યશ ઉપાધ્યાયની ઉપસ્થિતિમાં યોજાયો હતો.
બુધવાર ૨૦ નવેમ્બર ૨૦૧૯ ના રોજ રાત્રે ૭.૩૦ થી ૯.૩૦ દરમિયાન રંગભવન ખાતે કવિયત્રી શ્રી હિમાંશી શેલતની વિશેષ ઉપસ્થિતિમાં નાટ્યકાર શ્રી કપિલદેવ શુક્લ દિગ્દર્શિત અને શ્રી દીપક અંતાણી લિખિત ‘પારસમણિ’ વાચિકમ કાર્યક્રમ યોજાયો હતો.
ગુરુવાર ૨૧ નવેમ્બર ૨૦૧૯ના રોજ સવારે ૧૦ થી ૧ દરમિયાન રંગભવન ખાતે જીવનભારતી માધ્યમિક અને ઉચ્ચતર માધ્યમિક વિભાગના વિદ્યાર્થીઓ સંગીતકારશ્રી વિમલ શાહ અને કવિયત્રીશ્રી એષા દાદાવાળાની ઉપસ્થિતિમાં ગાંધી ગીતો અને વાચિકમ પ્રસ્તુત થયા હતાં.
ગુરુવાર ૨૧ નવેમ્બર ૨૦૧૯ના રોજ બપોરે ૨ થી ૩ દરમિયાન રંગભવન ખાતે જીવનભારતી પ્રાથમિક વિભાગ ધોરણ ૧ થી ૫ના વિદ્યાર્થીઓ દ્વારા ડોનેટ લાઈફના પ્રમુખશ્રી નીલેશ માંડલેવાલાની ઉપસ્થિતિમાં ૧૧ વ્રતોની ભજવણી અને ગાંધી ગીતોનો કાર્યક્રમ યોજાયો હતો.
ગુરૂવાર ૨૧ નવેમ્બર ૨૦૧૯ ના રોજ બપોરે ૩ થી ૩.૩૦ સમયગાળા દરમિયાન રંગભવન ખાતે પ્રવૃત્તિ વિદ્યાલય ધોરણ ૬ થી ૮ ના વિદ્યાર્થીઓ ઉદ્યોગપતિ શ્રી રાજન શાહની ઉપસ્થિતિમાં આઇ.પી.એસ શ્રી વિધિ ચૌધરીને આત્મરક્ષા વિષય પર સાંભળ્યા.
ગુરૂવાર ૨૧ નવેમ્બર ૨૦૧૯ ના રોજ બપોરે ૩.૩૦ થી સાંજે ૪ ના સમયગાળા દરમિયાન રંગભવન ખાતે ધોરણ ૬ થી ૮ ના પ્રવૃત્તિ વિદ્યાલયના વિદ્યાર્થીઓ કવિ અને ડૉ. વિવેક ટેલરની ઉપસ્થિતિમાં ગાંધી ગીતો અને નાટક પ્રસ્તુતિ થઇ હતી.
ગુરૂવાર, તા. ૨૧ નવેમ્બર ૨૦૧૯ ના રોજ રાત્રે ૭.૩૦ થી ૯.૩૦ ના સમયગાળા દરમિયાન રંગભવન ખાતે મંત્રીશ્રી (ગુજરાત રાજ્ય) ઈશ્વરસિંહ પટેલ અને ડૉ. મુકુલ ચોકસીની ઉપસ્થિતિમાં કલાકારશ્રી ઉદય મઝુમદાર દ્વારા સંગીત સંધ્યા યોજાયો હતો.
શુક્રવાર ૨૨ નવેમ્બર ૨૦૧૯ ના રોજ સવારે ૧૧ થી બપોરે ૧ના સમયગાળા દરમિયાન રંગભવન ખાતે માધ્યમિક અને ઉચ્ચતર માધ્યમિક વિભાગ માટે ચાર્ટર્ડ એકાઉન્ટન્ટ શ્રી યતીશ પારેખની ઉપસ્થિતિમાં આંતરશાળા શીઘ્ર વકતૃત્વ સ્પર્ધા યોજાયો હતો.
શુક્રવાર ૨૨ નવેમ્બર ૨૦૧૯ના રોજ બપોરે ૨ થી ૩ના સમયગાળા દરમિયાન પ્રવૃત્તિ પ્રાથમિક હોલ ખાતે ગાંધી વિચાર અનુયાયી ડૉ. કેતન ઝવેરીની ઉપસ્થિતિમાં પ્રાથમિક વિભાગના ધોરણ ૬ થી ૮ના વિદ્યાર્થિનીઓ માટે AIRIZ દ્વારા સેનેટરી સ્વચ્છતા અભિયાન યોજાયો હતો.
શુક્રવાર ૨૨ નવેમ્બર ૨૦૧૯ ના રોજ બપોરે ૨ થી ૩ ના સમયગાળા દરમિયાન રંગભવન ખાતે ધોરણ ૧ થી પ ના પ્રાથમિક વિભાગના વિદ્યાર્થીઓ દ્વારા દાતાશ્રી પંકજ કાપડિયાની ઉપસ્થિતિમાં ગાંધીજીવન પરિવેશ અને માઈમ નો કાર્યક્રમ પ્રસ્તુત કરવામાં આવ્યો હતો.
શુક્રવાર ૨૨ નવેમ્બર ૨૦૧૯ ના રોજ બપોરે ૩ થી ૪ ના સમયગાળા દરમિયાન રંગભવન ખાતે ધોરણ ૬ થી ૮ ના પ્રાથમિક વિભાગના વિદ્યાર્થીઓ અને વાલી મંડળ માટે આર્કિટેક્ટ શ્રી બિનીતા પંડ્યાની ઉપસ્થિતિમાં ક્વીઝ સ્પર્ધા યોજાયો હતો.
શુક્રવાર ૨૨ નવેમ્બર ૨૦૧૯ના રોજ સાંજે ૪.૩૦ થી ૫ના સમયગાળા દરમિયાન પંકજ કાપડિયા સ્પોર્ટ્સ ગ્રાઉન્ડ ખાતે યુનિસેફ પ્રતિનિધિ દ્વારા સંવાદનું આયોજન કરવામાં આવશે.
શુક્રવાર ૨૨ નવેમ્બર ૨૦૧૯ ના રોજ રાત્રે ૭ થી ૯ના સમયગાળા દરમિયાન રંગભવન ખાતે જીવનભારતી સંગીત વિદ્યાલયના વિદ્યાર્થીઓ સાંસદ શ્રી દર્શનાબેન જરદોશ અને શ્રી સી આર પાટીલની ઉપસ્થિતિમાં ગાંધી ગીતો પર નૃત્યાત્મક પ્રસ્તુતિ થઇ હતી.
