કાર્યક્રમનો હેતુ : વિદ્યાર્થીઓ, શિક્ષકો તથા વાહનચાલકો (ડ્રાઇવરો) માં "માર્ગ સલામતી"ની ભાવના પ્રબળ બને તથા ટ્રાફિકના નિયમોની જાણકારી - એજ્યુકેશન મળી રહે. ટ્રાફિકના નિયમોની સંપૂર્ણ જાણકારીથી નવી યુવા પેઢી વાકેફ થાય તથા રોડ અકસ્માતોથી જાનહાનિ ઘટે. ભારત સરકારના "મેરી માટી, મેરા દેશ" અંતર્ગત પરિપત્ર નંબર-૫૨૦૮ મુજબ ગુજરાત સરકારના વાહનવ્યવહાર વિભાગ, સુરત આર.ટી.ઓ. [પ્રાદેશિક વાહનવ્યવહાર અધિકારશ્રીની કચેરી, સુરત (પાલ)] દ્વારા માર્ગ સુરક્ષા કાર્યક્રમનું આયોજન કરવામાં આવ્યું હતું. કાર્યક્રમની મધુર શરૂઆત જીવનભારતી કુમારભવનના પ્રાર્થના વૃંદ દ્વારા કરવામાં આવી હતી. ત્યારબાદ કાર્યક્રમના વક્તા દ્વારા માર્ગ સલામતી અંગે ચર્ચા કરવામાં આવી હતી. જેમાં ppt દ્વારા સુંદર રજૂઆત અને જરૂર જણાય ત્યાં વિડિયો દ્વારા માહિતી પૂરી પાડવામાં વિવિધ વિદ્યાર્થીઓની મદદ લઈને માર્ગ ઉપર પગે ચાલવાની અને વાહન ચલાવવાની યોગ્ય રીત દર્શાવવામાં આવી હતી. આ ઉપરાંત અકસ્માત નિવારણ અંગે યોગ્ય ઉદાહરણ

જીવનભારતી મંડળના ૭૮મા સ્થાપના દિન નિમિત્તે "કાવ્યમં મધુરમ્" ના શીર્ષક હેઠળ કવિશ્રી વિનોદ જોશી અતિથિવિશેષ તરીકે ઉપસ્થિત રહ્યાં. શ્રી વિનોદભાઈ જોશી તેમના તળપદા ગીતો માટે ખુબ જ લોકપ્રિય છે. તેમના ગીતોમાં ગ્રામ્ય જીવનની ઝાંખી જોવા મળે છે. અને એ જ પોતીકા લહેકા સાથે લોકઢાળમાં ગીતની પ્રસ્તુતિ કરી..."સખી મારો સાહ્યબો સુતો" ગીત માણતા શ્રોતાઓ રસતરબોળ બન્યાં. ભાષાસજ્જતા, વરિયાર્થ, ગુઢાર્થ તેમજ વિવિધ કલ્પનો રજુ કરી તેમણે ભાવકોના ભાવ જગતને ધન્ય બનાવ્યું. સમગ્ર કાર્યક્રમના સંયોજક તરીકે શ્રી રશ્મિ ઝાની સર્જક કેન્દ્રી રૂપરેખા નાવીન્યપૂર્ણ અને ધ્યાનાકર્ષક રહી. શ્રી સુનીલ રેવરના માર્ગદર્શન હેઠળ થયેલ ગીતની પ્રસ્તુતિ મનભર રહી. શૈલજા ઉપાધ્યાય અને હીર મહેતા દ્વારા શ્રી વિનોદભાઈ જોશીના કાવ્યનું પઠન કરવામાં આવ્યું. સમગ્ર કાર્યક્રમનું સંચાલન શ્રી સોનલ સુરતી દ્વારા કરવામાં આવ્યું.