પ્રવૃત્તિ વિદ્યાલય જીવનભારતી

માધ્યમિક / ઉચ્ચતર માધ્યમિક વિભાગ

શ્રી ચંદ્રવદન ચૂનીલાલા શાહની વિવિધરંગી લાંબી કારકિર્દીના પરિપાક રૂપે ૧૯૮૪માં સરકારી હસ્તક્ષેપ વગરની ‘સર્વાંગી શિક્ષણ’ ના સિધાંતને વરેલી ૪ વર્ષની વયના ૩૦ વિદ્યાર્થીઓથી ‘સ્વ શ્રી કુસુમબેન શાહ પ્રવૃત્તિ વિદ્યાલય’ નો આરંભ થયો. આ શાળામાં બાળકના શારીરિક, બૌદ્ધિક ભાવાત્મક અને કલાત્મક વિકાસ પર ભાર મુક્યામાં આવે છે. બાળકને પોતાના અવલોકન પ્રવાસોમાંથી કુદરતી અને સામાજિક પર્યાવરણમાંથી શિક્ષણાનુભવમાંથી માહિતી એકઠી કરવાની તક આપવામાં આવે છે.
સાંપ્રત શિક્ષણ પ્રણાલી સાથે તાળ મિળાવવાના હેતુથી સન ૧૯૯૪ માં ધો-૮ ના એક વર્ગથી શ્રીમતી હંસાબેન હસમુખલાલ નેમચંદ શાહના સહયોગથી માધ્યમિક વિભાગની શરૂઆત કરવામાં આવી. ૧૯૯૭માં ચંપાબેન અંબાજી ચેરિટેબલ ટ્રસ્ટના સહયોગથી ઉચ્ચતર માધ્યમિક વિભાગની શરૂઆત થઇ.
આ વિભાગ આજે ધો ૯ થી ૧૨ ના કુળ ૧૦ વર્ગોથી આયોજિત વિભાગ વટવૃક્ષમાં પરિણામ્યો  છે. સન ૨૦૦૮ માં માધ્યમિક તથા ઉચ્ચતર માધ્યમિક વિભાગ અને સંપૂર્ણ શૈક્ષણિક ભૌતિક સગવડોથી સુસજ્જ નવા મકાનની સ્થાપના થઇ.

માળખાકીય સુવિધાઓ

Language Lab : ગુજરાતી માધ્યમની શાળાના બાળકોમાં અંગ્રેજી ભાષા પરનું પ્રભુત્વ વધે તે હેતુથી Words-Worth English Language Lab ચલાવવામાં આવે છે.

પ્રયોગશાળા : ભૌતિક, રસાયણ, જીવવિજ્ઞાન તથા કમ્પ્યૂટરના વિષયોમાં નિદર્શન દ્વારા સિદ્ધાંતો સમજી શકાય તે હેતુથી સંપૂર્ણ સગવડોથી સુસજ્જ દરેક વિષય માટે અલાયદી પ્રયોગશાળા છે.