દિનાંક 15/ 8/ 2024 ગુરુવારના રોજ જીવનભારતી મંડળ, ટીમલિયાવાડ, નાનપુરા,સુરત ખાતે 78મા સ્વાતંત્ર્ય દિનની ઉજવણી નિમિત્તે રાષ્ટ્રની શાન રાષ્ટ્રધ્વજને લહેરાવી શાળાના વિદ્યાર્થીઓ વીર શહીદ જવાનોની શૌર્ય ગાથાને જાણે એવા શુભ આશયથી ડૉ .ચંપકલાલ ઝવેરચંદ શાહ ગ્રંથાલય અને પ્રકલ્પ સંસાધન કેન્દ્ર દ્વારા દિનાંક 15 /8/2024ના રોજ જીવનભારતી મંડળના અધ્યક્ષ શ્રી ભાનુકુમાર શાહના વરદ્હસ્તે મુખ્ય અતિથિવિશેષ શ્રી અભિજિત પરિયાલની ઉપસ્થિતિમાં "કારગિલ યુદ્ધ રજત જયંતિ - 2024" પ્રદર્શન ખુલ્લું મૂકવામાં આવ્યું. દીપ પ્રાગટ્ય વિધિ સંપન્ન કર્યા બાદ અતિથિ વિશેષ અભિજિત પરિયાલનો પરિચય ગ્રંથાલયમાં કાર્યરત મીનાક્ષીબેન દ્વારા આપવામાં આવ્યો તેમજ ભાનુભાઈના હસ્તે તેમને સ્મૃતિભેટ અર્પણ કરવામાં આવી.પ્રદર્શનના ઉદઘાટન સમારંભમાં જીવનભારતી મંડળના તમામ હોદ્દેદારો તમામ ભવનના આચાર્યશ્રીઓ શિક્ષકો અને વિદ્યાર્થીઓ ઉપસ્થિત રહ્યા. અતિથિવિશેષશ્રીએ મુલાકાતીઓને પ્રથમ વિશ્વ યુદ્ધથી શરૂ કરી કારગિલ યુદ્ધ માટે તેમણે બનાવેલ વિવિધ મોડેલની સમજૂતી આપી આપણા

તા. ૦૭/૦૩/૨૦૨૪ દરમિયાન જીવનભારતી શ્રી પંકજભાઈ કાપડીયા સ્પોટ્ર્સ સંકુલમાં આવેલ જીમ્નાસ્ટીક હોલમાં રિનોવેશન કર્યાં બાદ શ્રી પંકજભાઈ કાપડીયાનાં અધ્યક્ષ સ્થાને ઉદ્ઘાટન તથા ખેલાડીઓનો સન્માન સમારંભ કાર્યક્રમ યોજાયો. જેમાં સંસ્થાનાં મંત્રીશ્રી મયંકભાઈ ત્રિવેદી, ઉપાધ્યક્ષશ્રી ડૉ. પ્રજ્ઞેશભાઈ જોષી, કમિટી મેમ્બરશ્રી ધનેશભાઈ ગોળવાળા, શ્રી કેતનભાઈ દેસાઈ તથા વાલીમંડળ પ્રમુખશ્રી જીનલબેન પચ્ચીગર તથા પ્રવૃત્તિ વિદ્યાલયનાં પ્રતિનિધિઓ તથા ગુજરાત જીમ્નાસ્ટીક એસોસિએશનના મહામંત્રીશ્રી કૌશિકભાઈ બીડીવાળા ઉપસ્થિત રહ્યા હતાં. ગુજરાત જીમ્નાસ્ટીક એસોસિએશનની રાજ્યકક્ષાની સ્પર્ધા ૨૦૨૩ સુરતના ઇન્ડોર સ્ટેડીયમ, અઠવાલાઈન્સ ખાતે યોજાય હતી. જેમાં ગુજરાતના અલગ અલગ જીલ્લાઓમાંથી કુલ ૩૫૦ જેટલા ખેલાડીઓ, મેનેજર, કોચીસ, ઓફિસિયલ સ્પર્ધકો ઉપસ્થિત રહ્યાં હતાં. જેનું સંચાલન ગુજરાત જીમ્નાસ્ટીક એસોસિએશનના મંત્રીશ્રી રણજીતભાઈ વસવાએ કર્યુ હતું. જીવનભારતી સ્પોર્ટ્સ ક્લબમાંથી ૨૮ જેટલા ખેલાડીઓએ જુદા જુદા ગ્રુપમાં ભાગ લીધો હતો અને ૩૨ જેટલા મેડલો મેળવ્યા હતાં. ગુજરાતની સિનીયર વિભાગની સ્પર્ધામાં જીવનભારતી

તારીખ: 21/10/2023 શનિવાર રોજ જીવનભારતી મંડળ સંચાલિત aural expressions અંતર્ગત શરૂ થનાર દર મહિનાના ત્રીજા શનિવારે 'ગ્રંથનો પંથ'ના પ્રથમ સોપાનમાં વકતા શ્રી રશ્મિબેન ઝાએ શ્રી હિમાંશીબહેન શેલત લિખિત આત્મકથન 'મુક્તિવૃત્તાંત' પુસ્તકનો રસાસ્વાદ કરાવ્યો હતો. જેમાં વકતાશ્રીએ લેખિકાના પુસ્તક દ્વારા તેમના વ્યક્તિત્વનો પરિચય પણ આપ્યો હતો. લેખિકાના બાળપણનું ખૂબ ઓછું જાણીતું નામ ' મુક્તિ ' પરથી લખાયેલા આ પુસ્તક 'મુક્તિવૃત્તાંત' માંથી વકતા દ્વારા અનેકવિધ પ્રસંગોનું કથન થયું. એક નાના કસબામાં જન્મેલી નારીના જીવનમાં કેવી ઘટનાઓ બને તેનું નિરૂપણ રસાળ શૈલીમાં થયું. કાર્યક્રમનું સફળ સંચાલન ભાવિષાબહેન પટેલે કર્યું હતું. હિમાંશી બેનનુ પારદર્શક મુકિત વૃતાંત, રશ્મિબેનના વાણીપાશનું બંધન વૃતાંત, નિજપ્રેમ ને મુક્ત વિચારોના મુક્ત વાણીવૃતાંત થકી સ્ત્રી આત્મકથાના સાહિત્ય સૂકારાને વાણીના ઝાકળની ભીનાશ અર્પી. સ્ત્રી લેખિકાની આત્મકથા સુશ્રી હિમાંશી શેલત લિખિત મુકિત વૃતાંત જીવનના