બાળકેળવણીમાં રમતગમતનું આગવું સ્થાન છે. ક્રીડાંગણમાં રમતો રમવાથી બાળકોનો શારીરિક માનસિક વિકાસ સાથે સામાજિક વિકાસને વેગ મળે છે. ખેલદીલીની ભાવના વિકસે છે. આ હેતુ ને સિધ્ધ કરવા રમોત્સવનું આયોજન કરાયું હતું જેમાં બાળકોએ ગોળમાં ઘન, કોથળા કૂદ, બટાકા દોડ, બેલેન્સીંગ, સંગીત ખુરશી, મોતી પરોવવા, પીછે દોડ, દેડકા કૂદ, બની વોક (બતક ચાલ), લીંબુ ચમચી, સિક્કા શોધ, વિઘ્ન દોડ, કાંટા દોડ, ટાયર રેસ, લંગડી જેવી રમતોમાં બાળકોએ ઉત્સાહપૂર્વક ભાગ લીધો.

પરાવલંબન થી સ્વાવલંબન નું પ્રથમ સોપાન એટલે રાત્રી રોકાણ નું આયોજન જીવન ભરતી પ્રવૃત્તિ વિદ્યાલય ખાતે કરવા મા આવિયું હતું જેમાં બાળકો એ શાળા પરિવાર સાથે રાતવાસો કરી સ્વાવલંબન તરફ પ્રથમ ડગ માંડ્યા હતા.

સુરત મહાનગરપાલિકા દ્વારા આયોજિત ગોપી કલા ઉત્સવમાં રાષ્ટ્રપિતા ગાંધીબાપુના જીવન મંત્ર "મારું જીવન એ જ મારો સંદેશ" અંતર્ગત અંધારા થી ડર લાગતા રંભા દાસી દ્વારા "રામ" નામનો મંત્ર શ્રવણ અને હરિશ્ચંદ્રની વાર્તા દ્વારા માતા-પિતા ની સેવા, સત્ય અને સદાચાર, સાઉથ આફ્રિકામાં રંગભેદ ના લીધે અન્યાય થી ઉદભવેલ સત્યાગ્રહની યાત્રા સાથે સવિનય અવજ્ઞા આંદોલન, ચંપારણ, અસહયોગ આંદોલન, દાંડીકુચ દ્વારા વિશ્વના યુગ પુરુષ મહાત્મા ગાંધીની જીવનયાત્રાને નૃત્ય નાટિકા સ્વરૂપે જીવનભારતી પ્રવૃત્તિ વિદ્યાલયનાં બાળાઓ દ્વારા હૃદયસ્પર્શી રજૂઆત કરવામાં આવી હતી.

બાળ કેળવણીનાંપ્રણેતાપ્રવૃત્તિમ શિક્ષણનાં પ્રોત્સાહક પ્રદાતા.પ્રેમ, સંસ્કાર, શિક્ષણરૂપી સૌરભથીબાળજગતને મહેકાવનારબાળસાહિત્યનાં બ્રહમા, મૂછાળી 'મા' નાઉપનામથી શોભાયમાનદિવાસ્વપ્નનાં રચયિતા બનીબાળ વિકાસની રાહ ચીઘનાર.શ્રી ગિજુભાઈ બધેકા જન્મ જયંતી નિમિત્તે એમના દ્વારા લિખિત બાળવાર્તા અને બાળનાટકો ની રજુ કર્યા હતા તેમજ બાળકોએ ગિજુભાઈ બધેકાને નતમસ્તક પ્રણામ કરી સ્મરણાંજલિ પાઠવી હતી.